De Chlaus zu de Damen 1

I weiss no gnau vier Johr ischs her,
so oeppe eim fallts huet no schwer.
Das damols immne Pizzaresti,
paar Frau geh händ s Allerbesti.

Und us de grosse Menschemeuti
zwei gfunde händs als eri Beuti.
Wo gseit händ „doch de Job würd passe“,
viel besser isch‘s als Schach und Jasse.

Nöd immer ischs e Zuckerschlecke,
mit zwanzig Fraue umezseckle.
Doch eigentlich mer würs chum globe,
gits einiges vo me‘s cha loobe.

Drü Saisons lang händs gschaft und gchrampfet,
sinds ghüpft, stolziert - mängs Meter gstampfet.
Gar mänge Liter Schweiss verlohre,
au wenns viel gha händ susch um d Ohre.

Mengs Gschichtli gäbs um da Team z brichte,
es ranked sich gar vieli Gschichte.
Am beste losed er gschwind zue,
denn händ er schell au wieder Rueh.

Drum tuen ich jetzt am Afang starte,
denn münd er nüme länger warte.
Was i dem Johr de Chlaus hät ghört,
was gfreut en hät und was en stöhrt.

d Carina Äss und d Mimi De,
sind beidi jetzt im Vorstand z gseh.
Doch au im Handball noed z vergesse,
sind Beed debi und ganz versesse.

Öb Ferse ,Chnü - Fuess oder Arme,
So ziemlich alles isch am lahme.
En Indianer kennt kei Schmerze,
das nämet sich die zwei au z Herze.

Vo Schönebergers gits grad zwe,
d Carina und di ander d See.
Und beidi sind,so chammer säge,
e wahri Freud,en richt'ge Säge.

Im Ufbau isch sie fast nöd s schloh,
loht jedi Gägnerin ganz locker stoh.
Schüsst Goal um Goal e riese Gfahr,
D Seraina Äss – de Superstar.

D Denise und Däntschi sind bitz eige,
drum tanzets au chli us em Reige.
Händ linggi Händ und spieled drum,
am rechte Fluegel d Gägner um.

Au Party mache tüends ganz gern,
drum liet ne mengmol s Schlofe fern.
Trotz all de tolle Party Gschichte,
chammer ganz schwer uf sie verzichte.

Und wenn mer scho bi Flügel sind,
so freut sich d Manu wie es Chind.
Wenn sie sich duretankt und denn abgschlossse,
in nöche Egge, hät sie gschosse.

Wie d Manu isch au d Sara Flügel,
macht Reise über Berg und Hügel.
Doch au im Handball chasch druf zellä,
macht d Sara gäng e riese Wälle.

D Oriana isch e chlini Diva,
und meistens lauft au alles prima.
Nu wenn de Ponny noed guet sitzt,
sie fast de halbi Match verschwitz.

D Carmela und au d Murielle,
die lernet eri Sache schnell.
Im Ufbau und au mol am Kreis,
e jedi macht was sie grad weiss.

Als Nochwuchs wered sie verschraue,
doch händs scho mänge Ball drighaue.
Wenn immer möglich stönds ir Halle,
das tuet denn au de Trainer gfalle.

als nögsts chunnt au e ganz e Flotti,
es isch d Samira - d Aleotti.
Sie chämt ganz gern chli meh go spiele,
sie isch verletzt - s liet nöd am Wille.

Au s Bluemechind und d Frau Student
me i de Halle sehr guet kennt.
Wenn immer möglich sinds ir Halle,
ganz offesichtlich schinnts ne z gfalle.

D Lizenz zum spiele händs nöd wölle,
tüen nu zum Spass mit dene Bölle.
D Frau Rüegger und au Blessners Luzi,
gänd i de Halle richtig guzzi.

Öb Hirschy, „Laufsteg“ oder Halle,
d Silvana macht e gueti Falle.
Wenn nu de choge Fuess nöd wär,
macht ere s Handballlebe schwer.

Au d Trainer törf mer do erwähne,
zum Fenster us tüend si sich lähne.
Wenns heisst die Mannschaft die isch klasse,
hät Teamgeist und aus susch viel Rasse.

Scho jetzt schtoht fest es brucht nüm viel,
händs gschaft die Zwei id Ufstiegsspiel.
Döt chunnts denn us öb s Team so guet,
bald zweiti Liga spiele tuet.

Jetzt bin ich denn am Schluss mit rede,
ha eigentlich gar nüt me z säge.
Wünsch nume no paar schöni Stunde,
ich gange jetzt - mach mini Runde.